Fundación Juana de Vega

Convenio de colaboración para a realización de actuacións conxuntas que contribúan ao desenvolvemento do medio rural no ámbito territorial de Betanzos, Abegondo, Arteixo, Bergondo, Cambre, Carral, Culleredo, Oleiros e Sada.

As actividades a desenvolver dentro do marco do convenio son, entre outras, a organización e execución de todo tipo de actividades socioculturais para dar a coñecer a problemática rural, a edición de material escrito ou audiovisual con fins divulgativos, didácticos, dinamizadores ou sensibilizadores, a promoción das actividades formativas que sexan precisas para unha mellor cualificación técnica das persoas do medio rural e todo tipo de actividades que contribúan á consolidación e ao crecemento de producións e sistemas de agricultura e gandería tradicional, incluído o acceso dos produtos aos mercados actuais.